Menu
A+ A A-

Deprecated: Non-static method JApplicationSite::getMenu() should not be called statically, assuming $this from incompatible context in /home/oromiaop/public_html/templates/gk_news/lib/framework/helper.layout.php on line 181

Deprecated: Non-static method JApplicationCms::getMenu() should not be called statically, assuming $this from incompatible context in /home/oromiaop/public_html/libraries/cms/application/site.php on line 250

ኦህዴድ ትክክለኛውን የኦሮሞ ህዝብ ጥያቄ በመረዳት በልማት እንቅስቃሴዎች ላይ ዓይነተኛ ሚና እየተጫወተ ይገኛል-ጠ/ሚ ሀይለማርያም

ኦህዴድ ትክክለኛውን የኦሮሞ ህዝብ ጥያቄ በመረዳት በልማት እንቅስቃሴዎች ላይ ዓይነተኛ ሚና እየተጫወተ ይገኛል-ጠ/ሚ ሀይለማርያም

አዲስ አበባ፣ መጋቢት 17፣ 2007 (ኤፍ.ቢ.ሲ) የኦሮሞ ሀዝብ ዴሞክራሲያዊ ድርጅት/ኦህዴድ/ 25ተኛ ዓመት የብር ኢዮቤልዩ በዓል በአዲስ አበባ ስታዲየም በድምቀት እየተከበረ ነው።

የእለቱ የክብር እንግዳ ጠቅላይ ሚንስትር ሀይለማርያም ደሳለኝ በእንኳን አደረሳችሁ መልዕክት ንግግራቸውን ጀምረዋል።

ጠቅላይ ሚንስትሩ ኢትዮጵያ የበርካታ ቋንቋ፣ ባህል፣ ማንነት እና ሀይማኖት ያላቸው ብሄሮች እና ብሄረሰቦች እና ህዝቦች መገኛ ብትሆንም ቀደምት ስርዓቶች ይህን የውበት እና የኩራት ምንጭ የሆነውን ህብረብሄራዊነት የጭቆና እና ብዝበዛ ቀንበር ጭነውበት መቆየታቸውን አውስተዋል።

የኦሮሞ ህዝብም የዚህ ገፈት ቀማሸ ከነበሩ ህዝቦች መካካል አንዱ እንደነበር እና ይህም ውድ የኦሮሞ ልጆችስርዓቱን እንዲጠየፉ እና በፅናት እንዲታገሉት ምክንያት እንደሆነውም ነው የጠቀሱት።

ለአገራቸው እና ለወገናቸው በብዙ አቅጣጫ ፋይዳ የነበራቸው የኦሮሞ ወጣቶችም የእነዚህ አምባገነን ስርዓቶች መጠቀሚያ ሲሆኑ መቆየታቸውን ያስታወሱት አቶ ሀይለማርያም፥ ይህን የግፍ አገዛዝ አሽቀንጥሮ ለመጣል በተደራጀ ሁኔታ የታገለ እና ለዛሬው ታላቅ ስኬት የበቃ ኦህዴድ መሆኑንም ተናግረዋል።

ኦህዴድ/ኢህአዴግ ህዝባዊ ዓላማን በማንገብ በተጓዘባቸው ሩብ ክፍለ ዘመናት በርካታ ልማታዊ ስኬቶችን መጎናፀፉን ጠቅሰው፥ ኦህዴድ ጠባብ ብሄርተኝነትን በመታገል በአንፃሩ ዴሞክራሲያዊ ብሄርተኝነት እንዲያብብ ያበረከተው አስተዋፅኦም ከፍተኛ ነው ብለዋል።

ድርጅቱ አገራችን የተያያዘችውን የልማታዊ ዴሞክራሲያዊ  መስመር በመደገፍ እና ለዚህ የሚያስከፍለውን መስዋዕትነት ሁሉ በመክፈል መጓዙንም ነው ጠቅላይ ሚንስትሩ ያነሱት።

ኦህዴድ ትክክለኛው የኦሮሞ ህዝብ ጥያቄ አንድ የጋራ ፖለቲካዊ ማህበረሰብ መፍጠር መሆኑን ጠንቅቆ በመረዳት በአገራችን እየተከናወኑ ላሉ የልማት እንቅስቃሴዎች ዓይነተኛ ሚና በመጫወት ላይ እንደሚገኝ ገልፀዋል።

በስተመጨረሻም መላ የድርጅቱ አመራሮች እና ደጋፊዎች ፈጣኑን የኢትዮጵያ የልማት ግስጋሴ ለማስቀጠል የበኩላቸውን ርብርብ ሁሉ እንዲያደርጉ ጥሪ አቅርበዋል።

በበዓሉ ላይ የመክፈቻ ንግግር ያደረጉት የኦህዴድ ሊቀመንበር እና የኦሮሚያ ክልላዊ መንግስት ፕሬዚዳንት አቶ ሙክታር ከድር በበኩላቸው፥ ከዛሬ 25 ዓመት በፊት የተወሰኑ የኦሮሞ ታጋዮች የኦሮሞን ህዝብ መብትና ጥቅም ሊያስከብር የሚችል ክቡር ዓላማ ይዘው ኦህዴድን በመመሥረት የወሰዱት ታሪካዊ እርምጃ በኦሮሞ ህዝብ ትግል ሂደት ውስጥ አዲስ ምዕራፍ የከፈተ ታላቅ ታሪካዊ ክንውን ነው ብለዋል።

አቶ ሙክታር አክለውም 25ኛ የብር እዮቤ ልዩ በዓሉን ስናከብር፥ ያለፉው የትግል ጉዞ ውስጥ የኦሮሞን ህዝብ መብት ለማስከበር ክቡር ህይወታቸውን  የከፈሉ ታጋይ ሰማዕታትን በታላቅ ክብር በማስታወስ እና አደራቸውን ጠብቆ ከግብ ለማድረስ ቃል በመግባት ነውም ብለዋል።

ኦህዴድ ስልጣን ከተቆጣጠረበት ወዲህ ባከናወናቸው አኩሪ ተግባራትም የኦሮሞ ባህል እንዲያድግ እንዲሁም ቋንቋው እንዲያድግ፣ የሚዲያ ቋንቋ እንዲሆን እንዲሁም አለም አቀፍ የጥናት እና የምርምር ቋንቋ እንዲሆን በማድረግ የኦሮ ህዝብ በባሀሉ፣ በቋንቋው እና በማንነቱ እንዲኮራ አደርጓል።

ይህም በኦሮሞ ህዝብ ታሪክ ውስጥ በተደረገው ትግል ኦህዴድን በእድሜ ትንሹ ባከናወናቸው አኩሪ ተግባራት ግን ታላቅ ድርጅት እንዳደረገውም ገልጸዋል።

ኦህዴድ የተመሰረተበትን 25ኛ የብር እዮቤ ልዩ በዓሉን ሲያከብር ሀገራቸን የጀመረችውን የልማት እና የህዳሴ ጎዳና በላቀ መልኩ አጠናክሮ ለማሰቀጠል ቃል በመግባት ይሆናልም ብለዋል።

በቀጣይ ግንቦት ወር በሚካሄደው ሀገር አቀፍ ምርጫ ህዝቡ በነቂስ ወጥቶ እንዲሳተፍም አቶ ሙክታር ከድር ጥሪ አቅርበዋል።

ለበዓሉ የተዘጋጀውን ሻማም ጠቅላይ ሚንስትር ሀይለማርያም ደሳለኝ እና የኦህዴድ ሊቀመንበር ሙክታር ከድር ለኩሰዋል።

በበዓሉ ላይ የኢፌዴሪ ጠቅላይ ሚኒስትር ኃይለማርያም ደሳለኝ እና ፕሬዚዳንት ሙላቱ ተሾመን ጨምሮ ከፍተኛ የመንግስት ባለስልጣናት ተሳትፈዋል።

ከክልሉ የተለያዩ ዞኖች የመጡ ተሳታፊዎች የየአካባቢያቸውን ባህል ያሳዩ ሲሆን፥ ለበዓሉ የተዘጋጀው የድል ችቦም ተቀጣጥሏል።

Bookmaker with best odds http://wbetting.co.uk review site.

Waa'ee Keenya

Qunnam..

1.ORTO

2.FANA

3.ERTA

4.ENA

5.WALTA

Qunam3...

1.AMBO

2.ADAMA

3.HAAROMAYAA

4.JIMMAA

5.NAQAMTEE

Qunam2...

Qunam1...